ابو ذيات حلوه

ْْْْْْْْْْْْْْْْْْْْْْْْولك صه لاتكلي علمنصة

لكلمن عالمنصة علمنصة

تعرفه الخوش شاعر عالمنصة

يطك خشم السمه فوك الوطيه

ْ~~~~~~~~~~~~~~~~~~~

يغم وكتي عله حبلك منشراني

بعتني بسوك غدرك منشراني

اذا صاج انت جفك منشراني

وحك ربك اكطعه العال بيه

~~~~~~~~~~~~~~~~~

النوايب بيه جمعتهن مشابيك

وعلّي نشابهن يردف مشابيك

جتّالك فضل سوه مشابيك

انه لوحدي رحت جنّاز بيه

~~~~~~~~~~~~~~~~

علي مبرد زمانك وشراكه

وانا البايع الوادم وشراكه

كلتلي نصير واحد وشراكه

النفس ماله انكطع نفسك عليه

~~~~~~~~~~~~~~~

حرت ماكدّر العارف وشلباي

بسبب مجرى الدمع والدم وشلباي

صرت كلي جرح ينزف وشلباي

اشتبهت وخيطت جرحي عليه
ليش احنه المصايب صاحبنه

لان كلساع نفقد صاحبنه

ابنه انتكتل محد صاحبنه

اخاف انصيح ويكتلون اخيه

~~~~~~~~~~~~~~~

السعاده منين اجيبنهه والافراح

عله الخوان اريد اصفك الف راح

الف كتلو والف خطفو والف راح

وتنيت وما رجع واحد عليه

~~~~~~~~~~~~~~~

يكلبي مانفع تعبك ولارباك

وحصتك صارت الدوخه والرباك

بعد ماعاين الدربك ولاربيك

من اردلك هم ترد للحفر حيه

~~~~~~~~~~~~~~~

حميتك دافعت عنك ورحماك

الطعن اهون ولا الوذن وره حماك

كلت اوليك ما اعوفك ورحماك

وليت وطيبتي عمت عليه
~~~~~~~~~~~~~~~
اخذ عندك كلبنه وبي تهنه

واكل من زاد روحي وبيتهنه

حبيبي انته اهلنه وبيت اهنه

واعز من بيتنه جيتك عليه
~~~~~~~~~~~~~~~
زماني والله اكرهه اردود ردني

نخيته وبالدمع مكسور ردني

طبيعي كلت من اكصرت ردني

هسه اشلون والكصرت اديه
~~~~~~~~~~~~~~~~~~~~~~~~~~